Стоилов очекува пласман во финалето на СЕХА лигата

Стоилов очекува пласман во финалето на СЕХА лигата




Капитенот на европскиот шампион Вардар, Стојанче Стоилов пред полуфиналниот дуел во СЕХА-лигата против Мешков Брест изјави дека го респектираат својот противник и дека тимот нема да ја повтори грешката од пред неколку години, кога во Скопје загуби во полуфиналето на регионалното натпреварување од ППД Загреб, тогаш во салата „Борис Трајковски“. 

– Играме против одлична екипа, водена од искусен тренер, која ја почитуваме многу. Секоја година играме со нив, така што познат ни е противникот. Минатиот пат кога турнирот се играше во Скопје загубивме од Загреб, се надевам дека нема да се случи истото и очекуваме да играме во финалето, изјави капитенот Стоилов на прес-конференцијата пред мечот. Тој додаде дека повредата веќе е надмината и се чувствува подготвено за игра. 

Мечот против Мешков Брест почнува во 17:45 часот во „СЦ Јане Сандански“.

Текстот не смее да се печати или емитува без согласност и договор од редакцијата на ИнфоЦентар.Мк

Актуелно