Кумуцакос: Владата на Заев јасно ги одреди нивните црвени линии, не преговараат ниту за Устав ниту за националност

Кумуцакос: Владата на Заев јасно ги одреди нивните црвени линии, не преговараат ниту за Устав ниту за националност


Менуваат табли на улици, но не и позиции, вели одговорниот за надворешни работи во опозициската Нова демократија, Јоргос Кумуцакос, коментирајќи ги изјавите на македонскиот премиер Зоран Заев.

Како што јавува дописникот на МИА од Атина, Кумуцакос бара од грчката влада да каже јавно кои се црвените линии во разговорите. – Премиерот и министерот за надворешни работи на Скопје, јасно ги одредија нивните црвени линии. Не преговараат ниту за промени на нивниот Устав, ниту за нивната наводна македонска националност. 

Со други зборови, менуваат табли на улици, но не и позиции. Но, прашањето е што прави владата. Господинот Ципрас треба да им каже на граѓаните, кои точно се црвените линии на владата за да не дозволи интеграција на Скопје во НАТО и Европската унија, вели Кумуцакос.

Текстот не смее да се печати или емитува без согласност и договор од редакцијата на ИнфоЦентар.Мк

Актуелно