Хрватска од Србија ја бара документацијата за Павеличева фашистичка Хрватска

Хрватска од Србија ја бара документацијата за  Павеличева фашистичка Хрватска


Властите во Загреб сакаат од Белград да ја повлечат документацијата поврзана со усташката творба од времето на Втората светска војна, Независната Држава Хрватска (НДХ), со цел да ја „заробат вистината“

Според весникот,“Вечерње новости“ документацијата што ја бара Загреб содржи податоци за усташките логори и за злосторствата што ги извршиле усташите, за дипломатските активности на НДХ, за функционирањето на полицијата, домобранските единици, државните институции и локалните власти, како и повеќе од 200 филмови снимени во тоа време.

- Најголем дел од документите се складирани во архивите на Југославија и на Србија во Белград. Дел се наоѓаат во Воениот архив и во Министерството за надворешни работи, филмовите се во Југословенската кинотека, а мал број документи има и во Архивот на Војводина во Нови Сад, наведува весникот.

„Новости“ тврди дека Хрватска веќе подолго време се обидува преку Комисијата за сукцесија на поранешна Југославија да дојде до оваа историска граѓа и оригиналните документи, кои „ги докажуваат и дополнително ги расветлуваат злостораствата на НДХ“.

- Намерата на Загреб е јасна - да се стави рака врз оваа докуменатција и на тој начин да се зароби вистината, оценува белградскиот весник

Текстот не смее да се печати или емитува без согласност и договор од редакцијата на ИнфоЦентар.Мк

Актуелно